Passion 2021:
Invocavit

vun Marlou Lessing, Biller vun Elfi Riemenschneider


Dorto is Gotts Söhn kamen,
dat he den Düvel sien Doon tonicht maken schull.

1. Joh. 3, 8


Klick op to'n Vergröttern!

Tonicht maken? Jesus?
Dorto is he kamen? Ok he?
Besteiht denn de ganze Welt ut nix anners as Tonichtmaken?
De een tersleit, wat de anner opbuut —
as Kinner in de Sandkist.
Wi gegen de annern. De gegen uns.
Sünd wi twee Footballmannschapen?
Düt Speel is vun'n Düvel.
Deit Jesus mit in düt Speel?!

Jesus det nich mit, he nimmt den Ball an sik.
Dat Speel is ut.
So maakt he den Düvel sien Wark tonicht:
Wi staht nich mehr gegen'anner.
En niege Blick deit sik op.
De Welt hett en anner Gesicht.


21.2.2021


na baven