So as veele Minschen sünd,
hebbt se eenen Hund as Fründ.
Hest du so'n Fründ an diene Lien,
denn brukst 'n Hunnenföhrerschien.
Ick heff'n Hund ut enen Grund,
dat he düchtig kläffen müch,
denn sülben kläffen will ick nich.
Dröfft Minschen Hunnenfutter eten?
Ick heff mol schmeckt, ick wull dat weten.
Ick heff dorbi dat Kläffen lehrt.
Mien Hund, de wackelt mit'n Steert.

Mien Hund hett so'n bestimmten Plaan,
denn will he mit mi Gassi gahn.
So heff ick mit de Katt noch keen Arbeit hat.
So sünd se verschieden
un mögt sick uck nich lieden.
Veele Hunnen un Katten kriegt sick inne Klatten.
Mien Katt is intressant.
Se kleit'n Lock in Sand un sett sick up'n Rand
un kiekt dor naher rin
un kleit den Schietkram in.
Dat is, wat de Hund nich deit,
toletzt ward kott un flott mol kleit.
Jüst achter em to stahn is schlimm,
he kiekt sick dorbi gor nich üm.
He ködelt geern uck uppe Straat,
wo uck veele Lüer gaht.
Een hett schimpt: "Dien olle Hund, dat is'n Schwien."
Ick sä ganz fix: "Dat is nich mien."

De Minsch hett öber Hunnen
veel dummen Schnack erfunnen.
Een Schnack, de mi nich freit:
"Hunnen un Herrn hebbt Ähnlichkeit."
Dat is nich öberall de Fall,
denn mien Hund is ganz patent.
Dat weet jeder, de em kennt,
wat mancheen gor nich glöben künn.
Se weet ja, dat ik nich so bün.
Ick bill mi dor jo nix up in,
doch wo he pinkelt hett in Gras,
kannst sehn, dat dor bald Glücksklee wasst.
Man kennt schön rassenreine Hunnen
un masse dumme Schweinehunnen.
De een, de pariert ganz fein,
de anner, de is hundsgemein.
An hundsgemeine Schweinehunnen
heff ick keen Gefalln an funnen.

Düsse Swienshund süht doch ganz nett ut...

Mien Hund haalt miene Tüffel,
wenn nich, kriggt he'n Rüffel.
So'n Anstandswauwau is faken extra schlau,
de is jümmer gründlich fründlich,
de kuum vertörnt is un nich muult
oder as so'n Schlosshund huult.
So'n Minsch, de freert as so'n Hund,
dat is för'n Minschen nich gesund.
De Welt, de is woll rund un bunt,
un keen Knaken söcht'n Hund.

Wenn wat nich so klappen will,
wie dat woll so klappen schüll,
seggt man ut goden Grund:
"De Knüppel liggt bi 'n Hund."
Kaam ick öbern Hund, kaam ick öbern Steert —
den Schnack heff ick so lehrt.

Faken weest wohrhaftich nich,
woneem de Hund begraven liggt,
un denn hört man so den Schnack:
"Nu laat de Katt mol ut'n Sack."
Wenn dat nich so glückt,
ward de Hund inne Pann verrückt.

"Ik nich!"

Hier keum een Kerl ut'n grote Stadt.
De kunn bloß Hochdüütsch un keen Platt.
Mag wään, dat he sien Namen nich weet.
He sä nich na, wie he so heet.
He har bi sick so'n groten Köter,
de höört up den Namen Peter.
"Wir sind hier gern in Wald und Flur,
denn wir lieben die Natur.
Ich muss Ihnen was gestehn,
denn hier ist leider was geschehn,
das war nicht so vorgesehn."
Ick sä bloß: "Nanu, nanu,
bittesehr, denn nu man zu."

"Ja, ich bitte Sie, mir zu verzeihn,
Sie möchten mir nicht böse sein.
Ich mache nicht grundlos meinen Hund los.
Ich ließ am Wald den Peter laufen.
Dort macht er gerne einen Haufen.
Er sah Ihre Kühe hinterm Zaun,
da ist er mir gleich abgehaun
und ging auf Ihre Kühe los.
Er fühlte sich wohl stark und groß.
Eine Kuh erschrak sich sehr
und Peter hetzte hinterher.
Als das die anderen Kühe sahn,
haben sie sich zusammengetan
und griffen meinen Peter an.
Alle zusammen, sieben Stück,
dann kam er schnell zu mir zurück
und fing mächtig an zu jaulen.
Ich musste ihn zum Troste kraulen.
Ob die Kühe durch den Vorfall eben
vielleicht nicht so viel Milch mehr geben?
Ich habe mal davon gehört,
sie wirkten alle sehr verstört."

"Nee, nee", sä ick, "auf alle Fälle
sind Sie bei mir an falscher Stelle.
Dat is doch nich mien Veeh,
wi hebbt doch gor keen Köh.
Wiel wi nich mehr melken wulln,
hebbt wi doch bloß noch Bulln."
Ick wüss, dat ick dat richtig seh,
he meen ganz annerseen sien Veeh.
Ob he woll richtig weten hett,
woneem sien Köter schäten hett?
"Ein Stückchen weiter liefen Kinder,
die sagten, das sind Ehlbecks Rinder.
Als Beweise habe ich hier
paar Handyfotos noch bei mir."
De wi us nu bekieken wulln.
Ick heff glieck sehn, dat sünd de Bulln.
"Nein, hier", sä he, "ein Bild noch weiter,
da hinten ist das kleine Euter!"
Ick sä to em: "Du büsst in Tüdel,
bi Bullen seggt man dorto Büdel."
Schull man so'n Bulln mol bölken hörn,
will de bestimmt nich molken wern.

"Melk mi!"