Jochen Klepper sien Läben

van Ludgerd Lüske

Jochen Klepper
(22. März 1903 - 11. Dezember 1942)
Dei Autor van dat Karkenlied: Dei Nacht is nu kaomen

Dat letzte Wahnhus vun Jochen Klepper un sien Familie

Dei Schriewer Jochen Klepper hätt Theologie studeiert un is siet 1927 Mitwarker bi den Evangelischken Pressedeinst. Hei befaotet sick intensiv mit religiöse Fraogen. 1931 hieraotet hei Johanna Stein, dei ut eine anseihn jüdischke Familje stammt. Klepper trecket nao Berlin un warket dor bi den Rundfunk. In'n Juni 1933 werd hei entlaoten un mutt bold uck eine Stä as Redakteur bi den Ullstein-Verlag upgäben. As Schriewer hätt hei noch eine Tied lang ein sühniget Utkaomen. Dat Verfolgen van dei Juden wörd aower geföhrlick för siene Frau un siene beiden Steiwdöchters. Dei öllere, Brigitte, kann 1939 noch nao England utreisen. In dat glieke Johr werd Klepper Soldaot, bit hei 1942 wägen siene "Mischkehe" ut dei Wehrmacht entlaoten werd. Üm dei noch bi üm läben Dochter in Sicherheit tau bringen, verhannelt hei sogor mit Adolf Eichmann, den Baos van dat "Judenreferaot" in dat Riekssicherheitshauptamt. As Klepper siene Machtlosigkeit sehg, nimmp hei sick mit siene Frau un dei jüngere Dochter Renate in dei Nacht tau den 11. Dezember 1942 in Berlin-Nikolassee dat Läben.

Literatur