Passion 2014
Karfriedag


 

"gah in den dood mit mi." ik röög mi nich.
vun sülven kümmt de dood, vun achtern, bald ——
ik ween. dat enn! de truur deit mi gewalt.
un he? ik söch noch eenmaal sien gesicht —

mit em is ok de dood de beste wahl.
he böört mi op sien rügg, bet ganz to'n sluss.
ik föhl sien fründlichkeit — en letzten kuss
drück ik em op. dat sleit em an den pahl.

 

 

dat düüster slütt sik üm uns. sien gesicht
kann'k nich mehr sehn, doch föhl ik: he is dor.
de dood mit em is leviger as leven

ahn em. — dat is en narrnkraam. — dat is wohr.
vermag ok nix de dunkelheit to heven:
he sülven is dat binnerste vun't licht.

 


Biller: Rudi Witzke
Wöör: Marlou Lessing
18.4.2014


na baven