Passion 2020:
Sünndag Invocavit — Unner den Scheerm von'n Hööchsten



 


David mit de Harp, Glasfinster, San José de Jatibonico, Cuba

Wokeen unner den Scheerm von den Böversten sitt,
un unner den Schadden von den Allmächtigen,
de sprick to den HErrn: Miene Toversicht un mien' Borg,
mien Gott, up den ik haap.
Denn he rett' di von den Gröönrock sien Strick
un sien schadhaftig Pestilenz.
He will di met siene Flittken bargen,
un diene Tovörsicht nimmt he unner siene Flunken.

Sien Doon is Scheerm un Schild,
dat du di nich verfehrst vor de gresige Nacht,
vor de Pielen, de an'n Dag fleegt,
vor de Süük, de in Düstern krüppt,
vor dat Pestfüer, dat an'n Middag weevd.
Fallt ok dusend an diene Siet'
un teihndusend to diene Rechten,
so will di dat nich drapen.

Jä, du warrst met diene Oogen pliern un sehn,
woans de, de ahn Gott leevd, toschann kaamt.
Denn de Herr is dien Moot; de Hillige is dien Toflucht.
Nix Unkommodigs kummt di in'e Mööt,
un keene Plaag warrd dien Huus anrögen.
Denn he hett siene Engels baben di bestimmt,
dat se di to Schuul sünd
op all diene Weeg,
dat se di op Hannen dreegt un at du
dienen Foot nich an eenen Steen stöttst.
Up Löw' un Otterngezücht warrst du gahn,
Un up junge Löwen un Draken pedden.

He lengt sik na mi, so will ik em uthelpen;
he kennt mienen Naam,
dorüm will ik em bistahn.
Wenn he mi anröppt, so will ik em toluustern;
ik bün bi em in de Noot,
ik will em rutrieten un em grootmaken.
Ik will em sattmaken met langet Leven
un will em mien Gnaade wiesen.

Psalm 91


De gode Harder, The Pocket Testament


Platt: Adeline Erika Decker
Bild 1: Mafg/Wikimedia Commons

1.3.2020


na baven