To Ewigkeitssünndag


Wulken

Uns Leven is liek as
de trecken Wulken
vör de lüchten
Deepde vun den Himmel

Lämmerwulken
ut de Kinnertied
even un gliek trecken
de Wulken in de middeln Johr
mit güllen Ränner
sik drängen Gewidderwulken
Avendwulken
in Licht vun güntsied
gnädig sik dalsenken Nacht
un dat Opschienen vun de Steerns

Ok se jümmers dor
in de Deepde vun'n Himmel
as Gott in mi

Konrad Tegtmeier


Truuer un Leiwde

Gruusen bliew doch weg van mi,
Gruusen worümme targs du mi?
So weit ick nich, worümme quäls du mi?

Leiw' was nienich dacht för mi,
dien' Leiw' was nienich dacht för mi.
Du woll glöws, so wat willt wi nie.

So leip is dei Tied för mi,
in den Droom äöwerkump et mi.
Bring wer dei Leiw', dei ick kenn van di.

Traonen, dei sünd leip för mi,
Nao ein Johr, dor is noch nicks vörbi.
Tied vergeiht, ick kaom nich frei van di.

"Asleep at the wheel", SO-Platt: Ludgerd Lüske


An'n Enn ward goot!

Sachens ünner geiht de Sünn en lestet Mol.
Eenmol noch hool de Seils ik dool
denn fallt ok mi de Ogen suutje too;
un bald kümmt nu een lange Roh.

Eenmool noch seh ik an Heben wat de Steerns doch funkeln
un denn beginnt een lange Nacht un deepet Dunkel.
Nu geiht to Enn, nu is dat woll sowiet.
Bloots kott ward düster, dorno kümmt denn een helle Tiet.

Nu man keen Bang; ik fürcht mi nich.
Mi hollt 'n Engelswesen an de Hand.
An Enn, dor achter, wo dat helle Licht
feuhrt he mi in een beter Land.

Heinz Tiekötter


Biller: Elke Weißleder
24.11.2019


na baven