Maria ut Bethanien salvt Jesus mit Nardelöl

vun Rudi Witzke



Bethanien ut Jerusalemer Bibellexikon

Vun Maria, Lazarus un Martha steiht schreven, dat Jesus se leiv harr. De Geswister wohnten in Beth Anien orrer Bethanien. Dat heit so veel as "Huus vun de Fieg". Bethanien is een lüttes Dörp in de Neegde vun Jerusaleem. Dor harrn se den Herrn Jesus faken to Gast.

Wenig Daage vör de Krüüzigung keem Jesus vun Jericho her dörch den Nahal Quelt hen na Bethanien. He weer up'n sienen Smartensweg na Jerusalem.

Jesus besöchte dor sien Frünnen. De makten wat to Eten för den Herrn un natüürlich siene Maten. Se müßten na de Weeg dörch den Wadi ok wat Utpusten un vör allen satt köhles, klores Wader drinken. De Lief dröögt bi de dröge Luft un Hitt ut.


De Narde is en Öölplant

Maria salvte de Fööt un den Kopp vun den Herrn mit dat Saalvöl vun de heel düüre, echte Narde.


Martha, Maria un Jesus, maalt vun Vermeer

Martha

Dat weer nich na de Mütz von een poor Maten. Se murrten. Judas harr dat Meinen, dat dat rümaasen weer. Se harrn dat Öl düür verköpen un Arme wat to Eten dorför köpen kunnt. Jesus anterte un sää: "De Armen ward ji jümmer üm juuch hebben, mi aver bloots noch een poor Daag." De Herr stellte sik vör Maria un sää, dat hei to sienen Doot salvt wöör. De Maten verstünnen aver wedder nich.

"De ganze Welt, mien leev Judas, ward vun dit letzt Salven snacken!" sää Jesus to Judas, de nau so as de annern Maten Jesu Wöör bi den Upstieg na Jerusalem nich recht düden kunnen.

För Maria aver weer nix to roor för ehren, för unsen Herrn. Se harr so'n Ahnen vun dat, wat in de neegsten Daag passeern wöör.


19.2.2010


na baven