Atheist gegen Gott:
Friedrich Nietzsche

vun Rudi Witzke


To'n Anhören hier klicken:


Lesen deit Rudi Witzke in vörpommersch Platt.


Friedrich Nietzsche seggt:
"...een schull de Wöör 'Gott', 'Heiland', 'Erlöser'... as Schimpwöör nütten..."

Nietzsche hett en klores Bild vun sienen Fiend. He will, dat, wat he för todeepst
minschlich höllt, vör de Werte vun den christlichen Gloven "bewohrt" weiten. Doch wovör will he de Minschen bewohren? Vör Gott, de den Minschen ehm to sien Bild schöppte?

De ehm in een paradiesisch Welt leven leet, de ehm alles geev, wat he to dat Leven brukte. Vör Gott will Nietzsche den Minschen schütten, de ehm in't Paradies mit sik un de Natuur in Freden leven leet?

Worüm will Nietzsche den Minschen vör dat Böse schütten, dat dörch den Sünnenfall Intoog in de Welt hööl un ehm vun dor an Unfreden, Krieg in alle Formen
vun minschlichich Lieden bröchte?

Wenn wi in de Bibel lesen, seihn wi klore Fronten vör uns:

  • Hier dat Gebott 'Du schallst nich doot maken!' (2.Mose 2o,13), up de anner Siet dat gottloos Leven, dat Afgunst, Egoismus un Noot mit sich bringt. — Alle Kriege in uns Welt sünd en Anseggen vun Krieg gegen Gott, de dörch de Leev vun Jesus den Minschen Freden bringen will.
  • Hier dat Gebott 'Leev dienen Mitminschen, liek du di sülven leev hest!' (Matthäus 22, 39), dor en Welt, in de de politisch Starken binah de ganze Minschheit utsugen; de wirtschaftliche Krieg vun de Ierste gegen de Drütte Welt.
  • Hier dat Gebott: "Hebbt juuch Fienden leev un beed för alle, de juuch haten un nastellen!' (Matthäus 5,44); dor dat Kriegsschehnis vun alledaag, in dat sogoor Kinner to Suldaten un Mörders vun ehr Öllern maakt warden.

Wi seihn, up welk Siet Friedrich Nietzsche steiht. He ist gegen den Heiland un Erlöser, de de Welt vun de Macht vun de Sünnen befreen will un kann.
Paulus seggt: "För nix annres kämpen wi. Up Gott hebbt wi uns Höpen sett, up den levigen Gott. He is de Redder för alle Minschen, wenn se bloots an ehm glöven." (1.Timotheus 4,10)

So schrifft Karlheinz Deschner in sien Book "Das Christentum im Urteil seiner Gegner".


Macht. Grafik Gertrud Everding


5.5.2013


na baven