Tüschken Advent un hillig Aobend



Dei Welt is wohrhaft in einen truurigen Taustand. Bi eine Pandemie-Laoge käönt blots minne Lüe tausaome kaomen un mit einanner schnacken. Väle Familjen kaomt dor leip mit taurechte. Vellicht kann man nich maol, as gewennt, Wiehnachten fieren. In den Text tau'n veierden Advent schinnt dei Geschichte mit dei Unnerkunft van Maria un Josef in den Stall van Bethlehem dör. Dei heile Adventskranz wiest so ein Haopen up den Messias.

Hier passt, wat dei Apostel Paulus an dei Philipper schreef:

Frait jau in jede Tied, dat gi tau usen Herrgott hört. Noch maol will ick dat säggen: Frait jau! Aale Menschken schäöllt jaue Gautheit un Fründlichkeit marken. Dei Herr kummp bold! Maokt jau kiene Sorgen! Gi dräöwt in jede Laoge tau Gott bäen. Säggt üm, wat jau fählt, un dankt üm! Denn werd Gott sien Freede, dei äöwer aal use Verstaohn staiht, jau Harte un jaue Gedanken wohren, wiel gi mit Jesus Christus verbunnen sünd.

Philipper 4:4-7

     

Biller un Text: Ludgerd Lüske
Adventskranz van Wichern, bewarkt van Ludgerd Lüske

23.12.2020


na baven