2. Adventsönndag: "Dei Erlöser kummp"


Dei Menschkensäöhn kummp

Et werd Teiken kaomen an dei Sünne un den Maond un dei Sterne, un up dei Eern werd dei Völker Bange wän, un sei werd den Maut verleisen bi dat Bruusen un Upschümen van dat Meer, un dei Menschken werd schwack dör dei Sorgen un dei leipen Saoken, dei äöwer dei heele Eern kaomen schäöllt; un dei Himmelskräfte werd wackelig wern. Dornao werd sei den Menschkensäöhn seihn, dei kummp in eine Wulke mit groote Kraft un Herrlichkeit. Wenn dit aals anfangen dait, denn staoht up un laotet jaue Köppe nich hangen, denn et kummp för jau dei Erlösung.

Van den Fiegenboom

Don vertellde hei ehr ein Glieknis: Kiekt jau den Fiegenboom un aale Böme an: wenn ji seiht, dat dei nu utschlaot, so wätet ji sülwes, dat nu bold dei Sommer kummp. So is't uck mit jau: wenn ji seiht, dat dit aals passeiert, so wätet ji, dat Gott sien Riek bold kaomen dait.

Wäst achtsaom

Wohrhaft, ick sägge jau: Disse Generation werd nich eiher vergaohn, bit dit aals passeiert is. Himmel un Eern werd vergaohn; aower miene Wör vergaoht nich.

(Lukas 21, 25-33)


Bild un Textutwahl: Ludgerd Lüske
Dat Bild köönt Se per Klick vergröttern
7.12.2014


na baven