N
Süh bi Domain Name Server.
En Slang-Woort för en Computerverrückten.
En Programm to'n Brennen vun CDs un DVDs. Meddewiel hett sik dat to en ganze Familie vun Programme utwussen, de alle mit Brennen, Backup un Multimedia-Datein to doon hebbt.
En Kunstwoort ut "Nettwark" un "Etikette". Dat meent dat gode Benehmen in't weltwiede Nett, also in't Internet. Dat Internet is en "anonymes" Medium, un dat kümmt denn mehrst dorto, dat poor Lü glöövt, se köönt sik bi Internet-Kuntakte (Emails, Gästeböker in't WWW) allens rutnehmen. Dorüm hett de internaschonaale Gemeenschap vun Internet-Benütters so peu à peu egen Benimmregeln tostann bröcht; dat geiht nich förmlich to, man ok nich anarchisch. Sunde Minschenverstand un de Fuustregel "Weest nett to'nanner!" sünd dat A un O ok vun de Netiquette.
Dat Booten vun en Computer över en Nettwark. Warrt bruukt, wenn en Computer keen egen Bedreevssystem op de Fastplatt liggen hett orr gor keen Fastplatt inbuut hett.
Dat Deel in't Gehüüs vun'n Computer, 'neem dat Stroomkabel in steken warrt. Dat Netzdeel transformeert den Stroom ut de Steckdoos rünner, dat de Elektronik vun'n Computer dat good verdregen kann. Dat Netzdeel gifft also den helen Kassen den Saft.
Wenn mennig Computer, de ok enkelt lopen köönt, sik ünnernanner verstännigt, warrt dat Nettwark nöömt. De Verstännigung geiht mehrst över Kabeln (kann avers ok drahtlos passeern). De "Spraak", de de Computers denn merrnanner snackt, warrt Netzwerkprotokoll nöömt. Un de Middelpunkt in so en Nettwark is de Server. Dat Bild stellt dat schematisch dor.
Dat gröttste Nettwark is förwiß dat Internet. Dor gifft avers keen zentralen Server mehr, denn dat Internet is en Nettwark ut Nettwarken.
De Nettwarkkoort orr dat lütte Dings to'n Anproppen, dat desülvigen Funkschonen erfüllt.
En Instek-Koort för den PC, de den nödigen Ansluss för en Nettwark praat stellt, t.B. för en Ethernet-Nettwark. Ok för en DSL-Modem brukst mehrst en Nettwark-Ansluss. Bi niege PCs sünd Nettwarkkoorten dorüm faken al inbuut, mehrst sogoor onboard. För öllere PCs kannst ehr heel billig toköpen. 'keen keen Lust hett, den PC optoschruven, kann sowat sogoor as externe Reedschap vun buten ansluten, t.B. an den USB-Ansluss.
Afkörten för ingelsch Network Interface Card, d.h. nix anners as en Nettwarkkoort.
Ingelsch "Notizbook". En richtigen utwussen PC, de avers so lütt buut is, dat he nich veel grötter is as DIN A4. Kannst em as en Book opklappen, de een Deckel is denn de Billschirm, de anner de Tastatuur.
Afkörten för New Technology File System. En Dateisystem, dat de niegeren Verschoonen vun Windows benütt. In NTFS köönt Ordners un Datein längere Naams hebben as bi de ölleren FAT-Dateisystemen. Dat Finnen vun Datein geiht ok gauer.
So heet de Tast op de Tastatuur, de op den Ziffernblock heel linkerhand sitten deit. Wenn düsse Tast daldrückt is, geevt de Tasten op den Ziffernblock Nummern af. Süss gellt de Pielen, de ok op de Tasten to sehn sünd.
Süh na bi Ziffernblock.
Netzwerk