Adobe Reader — wat is dat?
De Adobe Reader warrt vun de Softwarefirma Adobe herstellt. Fröher hett he mal "Acrobat Reader" heten un is ok vundaag noch heel bekannt ünner den Naam. Dat's'n Programm, 'neem een pdf-Dateien mit ankieken kann. — Wat bedüüd dat denn?
Wenn Se en Datei an anner Lüüd wiedergeevt, de t.B. mit en Textprogramm (Word, WordPad, WordPerfect) schreven is, denn kann jedeen, de düsse Datei tofaat kriggt, ehr verännern, Delen rutkopeern usw. Togliek is nich seker, wat de Datei bi den Empfänger ok jüst so utsüht, as Se dat maakt hebbt. Villicht hebbt Se en Schriftaart verwennt, de de Empfänger gor nich hett? Denn warrt de dör en annere Schriftaart ersett, un perdü is dat schöne Design! Oder de Drucker vun'n Empfänger maakt wat ut de Datei, wat beten anners utsüht. Dat passeert faken.Wullt Se dor gegenan gahn, denn maakt Se ut dat Textdokument en pdf-Datei.
En pdf-Datei kann jedeen lesen, de dat Programm Adobe Reader hett, un dat op alle Computersystemen. Dorüm heet dat ok "pdf", dat bedüüd "portable document format", also "Dateiformaat, dat sik licht transporteern lett". De Datei süht överall gliek ut — mit Schriften un allens. Dat is also best för Datein, de sowiso druckt warrt — se sünd glieks in de richtige Foorm dorto. Verännern kann de Leser en pdf-Datei avers nich! Dorüm is dat Dateiformaat pdf best to bruken, wenn een t.B. in't Internet Daten rutgeven will, de liekers en gewissen Schuul hebben schallt.
Dat Programm Adobe Reader is för Privaatlü ümsüss un gratis un an mennig Steden in't WWW to kriegen. Wokeen sik dat lever nich ut't Internet rünnerladen will, kann't faken ok op CDs finnen, de op so Computer-Bläder op backt orr binn liggt — kiekt Se sik mal an'n Kiosk üm!
De mehrsten Datein, de Se bi us downloaden köönt, sünd pdf-Datein.
Wenn Se mit enkelte Begriffen hier nich trecht kaamt, gifft dat dat plattdüütsche Computer-Lexikon!