Wiehnachtsgedanken

vun Heinrich Evers


Wat dünkt wi uns blots stark un groot,
op Groot op Lütt — wi alltohoop.
Sull'n wi nich mal, op Jung or Deern
— to Wiehnachtstiet besünners geern —
ok mal an uns're Mitminsch' denken
un de 'n goot Gedanken schenken?

Gah' doch mal dal an Strand un Küst,
denn markst Du dat, wat lütt du büst!
Graad an de See bi Wind un Weder.
Weer dat nich mal 'n beten beter,
wi leden mal all'n Striet bisiet,
so as dat hüürt to Wiehnachtstiet?

Wenn wi verdeent dat an de See,
schenkt uns to Wiehnacht de Herrgott Snee.
De Snee deckt allens af, wat weer
verleden Johr — un ok dorvör.
Verzeih'n, vergeten, — denk doch mal no,
denn warrst Du Wiehnacht' dubbelt froh.


24.12.2015


na baven