Gedanken to Wiehnachten — Een beten mehr

vun Walter Meß


Mehr Freden hier op düsse Welt
weer beter noch as Goot und Geld,
mehr Miteenanner un keen Striet,
nich blot dütt to Wiehnachtstiet.

Mehr Toversicht un uk mehr Moot,
dat döh uns alltosam ganz goot!
Un uk na mehr Bescheidenheit,
nich blot för den, de ünnen steiht,
denn baben ward to gau verdeelt,
wat denn an Enn ganz ünnen fehlt!

Ik meen noch mehr Gerechtigkeit,
so lang uns schöne Welt besteiht!
Mehr Globen uk, dat wär nich schlech,
denn keem man beter noch torech!
Dat is mien Wunsch, ji leeven Lüüd,
un uk mien Bed to Wiehnachtstiet!

Nu wünsch ik jo in't plattdüütsch Land
hier baben an de Waterkant
en frohe Wiehnacht allerwegen ,
Gesundheit jo un Gott sien Segen!


23.12.2017


na baven