September

vun Brigitte Fokuhl


Dor weer doch wat! Wat weer dat blots,
wat gellt denn för September...?
Mien Stüern heff ik nich betahlt.
Dat Amt schickt en "remember".

Dat kümmt vun miene Urlaubstiet,
vun all dat vele Prassen.
Mien Geld is futsch, ik bün bankrott,
nix mehr mit "hoch die Tassen"!

Nu heet dat: Klotz mal düchtig ran
un spoor dien "Pieselotten"!
Süss faat se mi noch bi de Büx,
un ik — ik krieg de Motten!

De Bühler Plummen sünd nu riep,
de groten un de lütten.
Wi plückt se af; un de mit Wöörm,
de laat wi ruhig sitten.



na baven