5 Oster-Riemels

vun Hannelore Hinz


Haiku

Tuck-Henn' Adele
kakelt ludhals mit Eier
dat Osterfest ran.
Frohe Ostern!

Oster-Riemel

De Winter liggt krank up de Sied,
up Tour kümmt nu de Frühjohrstied.
Man blot de Frugens un Aprilln
hebb'n oft so ehr'n eigen Will'n.
Up Ostern stüeren 's all' nu tau,
vergäten is de Winterrauh.
Vergnäugte Paaschen!



Ganz babenan steiht't Osterei.
Wat kakelt männig Henn', oh weih!
Sei möt nu flietig Eier drücken,
dat Osterfest sall wedder glücken.
Tuck-Henn' ward nienich dit verknuusen
deit Mümmel mit ehr Eier suusen.
Prost Osterei!

Un ist denn Paaschen endlich dor,
wiest sick de Häben hell un klor,
danzt licht de Sünn so as ein Rucken,
möt dat so sien, sei hett kein Nucken.
Kannst du dit Spillwark würklich seihn,
ward Leeges nienich di gescheihn.
Na denn man frohe Ostern!

(Bruuk: Ein Emmer vull Water,
dat sick bi Wind un Sünnschien krüüst
un de Sünn sick in speigelt un danzt.)

De Sünn möckt wedder Harten warm,
de Gören juchen, maken Larm.
Un männig stiggt de Leiw in't Blaut,
tau Ostern is de Minsch sick gaud.
Leiw' un Freud tau Ostern!




na baven