De Nacht mutt nu wieken

Text: Cord Denker
Singwies: Ihr Kinderlein kommet


Ji Kinner, ji Groten — nu jedereen löppt —
Süh, hier liggt lütt Jesus in Armut un slöppt.
He liggt dor so rosig, he is gor nich bang;
Sien Öllern bekiekt em; — de Nacht is so lang.


Gaht rut dörch de Nacht un beleevt de Geschicht!
Gott is nu en Kind, un mehr warrt nich bericht'.
Wi sünd dat tofreden; en Steern lüücht so hell:
De Nacht mutt nu wieken, de Leev is to Stell.


So'n Kind hebbt wi söcht för uns doodkranke Welt,
bringt Licht in dat Düüster, bringt Leev, de uns fehlt.
De Groten, de Mächtigen hebbt nix beschickt:
En Kind kümmt un bringt uns den Freden, dat Glück.



na baven