To 'n 40. Geburtsdag

vun Brigitte Fokuhl


Mit veertig, tschä, dor hett een Swung,
sitt vuller Knööv un föhlt sick jung.
Een hett noch Tähn, een kann noch bieten
un maakt sick praat to'n Böömutrieten.
Dat do man nich! Dat's doch to laat,
süs hett de "Hexenschuss" di faat.
Maak doch nich jümmers so'n Gewees,
duert nich lang, liggst up de Nääs.
Un geiht't mal slimm, kreegst du een Backs,
du stickst dat weg, för di een Klacks!
Bliev jümmers up den rechten Weg,
denn löppt sick ok dat anner trech.
Man do dien Arbeit gau un goot,
so is bi di ok allns in't Lot.
Doch all dien Toven, all dien Streven
vergeet nich, is dat halve Leven.
Dat anner, wat du süs warrst mögen,
is di ok gönnt, sallst di vergnögen.
Slaat di nich ut, nimm allens mit,
denn büst du mit dien Frünnen quitt.

Proost!


Tau'n Anhören hier klicken:


Lesen deit Brigitte Fokuhl in Holsteiner Platt.



na baven