August

vun Brigitte Fokuhl


De Huusfru kööpt sick Zucker in
för all de velen Kirschen.
Un streut se 'n beten wat vörbi...
ward't up de Fliesen knirschen.

Jeja, de Kinner nutzt dat ut,
de School kann noch wat töven.
Se speelt den lingelangen Dag
un denkt noch nich an't Öven.

Un dat's ok goot, as wi woll weet.
Wi weern je ok mal Gören
un wullen in de Ferientiet
nix vun de Schooltiet hören.

De eersten Appeln ward nu riep,
man se sünd gröön un suer.
Ik mag veel lever Cox Orange
vun mienen Appel-Buer.



na baven