Advent

vun Walter Meß


Bald is dat weller mal so wiet,
Advent is dor, de stille Tiet —
un uns Gedanken gaht uk denn,
af un an na Wiehnacht hen.

Dat is för uns een hillig Tiet,
un uns Harten ward denn wiet,
de Sehnsucht gifft uns doch so veel,
un is so goot för Hart un Seel!

Vull Freden is de ganze Welt,
de Sterns de lüücht an Himmelstelt,
vull Höpen is nu uk uns Hart,
dat allns eenmal beter ward!

Un bald denn ward dat weller wohr,
dat Wiehnachtsfest is för uns dor,
dat Christkind bringt uns Glück un Segen,
un för de ganze Welt denn Freden!



na baven